«for nicky»

er schtoht vorem spiegel s’isch friitig nacht cap ofem chopf jetze chlopfts d‘jungs und gin und saft «buebe was lauft was tröllt?» ez wärde bächer gfüllt räche gspüellt proscht wäg das züüg widr e wuche im gschäft för nüt ez escher ready för rock steady för es fäscht mit lüüt di negscht fläsche wird küelt er sitzt im sässel vergnüegt d‘äsche verglüet und de räschte zellt nüt

er grift di chüel fläsche chlopft d‘äsche vo de jagge ab hets weed ide täsche de räschte isch glich ufd gass und ab in club zersch werd dur d’strass trabt, denn uf d’bank chillt wells spass macht d‘fläsche gin und no en blunt killt «he alte» lallt er «mr sind so fresh» lueg doch er isch gut druf und de alk bhalted in ihm das fest er schickt no en blick wer sech vorem lokal versammlet het käs ticket wett ine, ned lang ide schlange hange

refrain 1

junge, din alltag chotz dich ah_s’ chozt di ah! ab in club, es paar shots a de bar_well du hesch zahltag gha! leersch der drinks is gsicht_hau inne! wases choschtet esch der gliich_s’isch der glich! scho klar besch für das bereit,für stolz, ehr und eitelkeeit

em club din esch s‘lliecht dunkel er gsehts nümm so klar es gedränge ide mänge ellboge use ab ad bar en drink näh, de schigge schnitte hinderem threse wiinke er seit: «i wott shots ha! wodka!» und grinset de sound tönt lässig hits und classics chicks mit tüüfsitzende tops mache gfrässig ez tueter metweppe, fingerschnippe för ufsehe sorge gschpürt i sinere rippe en elleboge ez werd de bös bleck ufgsetzt, de alk het en ufpeitscht sini jungs send ufghetzt ond stemmig esch ufgheizt dosse werds ustreit rüeft er wener em pfuscht zeigt s bluet chocht uuf ond er ghört nömme was sin buch seit er gseht sech scho wiener usteilt er cha da ned iistecke ond er het de typ scho verurteilt er cha sech da ned lo gfalle, kei chance zom verhandle ond er lot sech nömme lo ufhalte

refrain 2

jetzt chunsch met dem typ ned klar_kennsch di nümm! und dini jungs die stachled di ah_chum machen platt! und alli lueged uf dich und wieso isch dir glich_scheissegal! säg mer eifach besch für das bereit für stolz ehr und eitelkeeit

er lauft use met tronknem bleck ond gluet em buch wie er lauft, wie er luegt, klar daser konflekte suecht es get em, jetzt kei rue, er het die wuet scho e de fust nor wäg sim name, wäg sim stolz, wäg sim guete ruef er mues vor de töre warte zom de typ abpasse het zwoi kollege debie wo en zuesätzlech astachle er söll jetzt grad handle, zom de typ grad platt mache das alli wössed, wer stress suecht chont grad a kasse «den werd abgrächnet» rüeft er «i mach der de gar us» frogt all wo er he esch ond verfolgt en es parkhus verwötscht ne knapp, stellt ne, schöpft ne ad wand löpft sini hand bevor er sech eini fangt das versetztne en rasche, er kickt em e mage ond schlot sin chopf of d’wendschotzschibe vo sim chare beser regigslos det lit, nor en kriegt keine weich drom stopft er em e chopf för stolz ehr ond eitelkeit

refrain 3

ufem bodde hetts en bluetlache_en bluetlache wie wotsch du das wedder guet mache?_säg mer wie ond öpper liet uf de stross ond alli fröged sech för was_för was säg mer eifach besch für das bereit_besch wörkli ready? für stolz ehr und eitelkeeit